Ecuria javore e kursit të këmbimit/ Forcohen ndjeshëm Dollari dhe Paundi ndërsa Euro nuk luhatet
Monedha europiane ka përjetuar një javë relativisht të qëndrueshme duke ruajtur të njëjtat vlera përgjatë tërë kësaj jave teksa është këmbyer ditën e premte me 123.58 lekë pa ndonjë diferencë të konsiderueshme më ditën e hënë.
Sipas të dhënave të publikuara nga Banka e Shqipërisë, Paundi britanik e ka nisur këtë javë në kuotën e 140.16 lekë për ta mbyllur ditën e djeshme në nivelin e 141.32 lekë me një rritje totale javore prej 1 pikë.
Dollari amerikan gjithashtu sikurse edhe valuta britanike ka ndjekur një kurbë pozitive gjatë tërë periudhës së 1-5 shkurtit duke shënuar një rritje të përgjithshme prej gati 1 pikë që nga data 1 shkurt për t’u këmbyer ditën e premte me 103.21 lekë.
Franga zvicerane ndërkaq ka regjistruar një relativisht pozitive pasi nuk ka pësuar luhatje të rëndësishme të vlerës por më një rritje të lehtë e ka mbyllur ditën e djeshme në kuotën e 114.35 lekë.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.