Ecuria javore e kursit të këmbimit – Luhatje të vazhdueshme për valutat kryesore
Kjo javë ka qenë e paqëndrueshme për monedhën europiane e cila e ka nisur javën në kuotën e 123.65 lekë ndërsa e ka mbyllur atë në vlerën e 123.83 lekë duke shënuar kështu një rritje të lehtë.
Ndërkaq Dollari amerikan është këmbyer të hënën me 105.19 lekë por ka humbur më pas pikë ditën e enjte për të rikuperuar sërish ditën e premte teksa ka kapur nivelin e 105.06 lekë.
Referuar të dhënave të publikuara nga Banka e Shqipërisë, Paundi britanik ka regjistruar luhatje të vazhdueshme të vlerës por ka mbetur me disa lëvizje të vogla gjithnjë në kuotën e 137 lekë përgjatë tërë kohës.
Franga zvicerane ka ndjekur një linjë progresive duke u këmbyer në fillim të javës me 114.84 lekë për të arritur më pas në vlerën e 115.25 lekë ditën e premte më një rritje të ndjeshme prej 0.4 pikë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.