Ecuria javore e kursit të këmbimit/ Paundi në luhatje të vazhdueshme ndërsa Euro, Franga dhe Dollari e mbyllin javën pozitivisht

Monedha europiane ka pasur një ecuri relativisht të qëndrueshme përgjatë tërë kësaj jave që lamë pas duke e nisur ditën e hënë në kuotën e 124.15 lekë dhe duke e mbyllur ditën e djeshme ne vlerën e 124.27 lekë.

Paundi britanik ndërkaq ka regjistruar luhatje të vazhdueshme përgjatë tërë periudhës së 8-12 qershorit duke pësuar në ditët e fundit të kësaj jave një rënie prej rreth 1 pikë teksa ka kapur nivelin e 138.74 lekë ditën e premte.

Sipas të dhënave të publikuara nga Banka e Shqipërisë, Dollari amerikan pas një rritje të lehtë ditën e martë ka shfaqur rënie të lehtë të vlerës deri ditën e fundit të javës në të cilën ka rifituar sërish pikë duke e mbyllur në fund në kuotën e 109.84 lekë.

Franga zvicerane ka regjistruar vlera pozitive dhe progresive gjatë kësaj jave duke kapur vlerën maksimale prej 116.22 lekë ditën e enjte për të zbritur sërish më pas në kuotën e 115.99 lekë ditën e premte por me rritje totale që nga e hëna me rreth 2 pikë.

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.