Ecuria javore e Kursit të Këmbimit – Rënie drastike për Paundin, ndërsa forcohen ndjeshëm Euro dhe Dollari

Kjo javë sikurse në të gjithë sektorët e ekonomisë ka regjistruar luhatje të shumta në vlerën e valutave të huaja kundrejt Lekut. Monedha europiane e ka mbyllur javën pozitivisht teksa është këmbyer në fund të saj me 123.03 lekë.

Ndërkaq Paundi britanik ka qenë ndër valutat më të prekura në këtë situatë pandemie pasi ka humbur gjatë kësaj jave mbi 4 pikë duke kapur nivelin e 130.51 lekëve në fund të saj.

Dollari amerikan ndryshe nga monedha britanike ka fituar mbi 2 pikë gjatë përiudhës së 16-20 marsit, duke u këmbyer në fund të saj me 113.37 lekë, referuar të dhënave të publikuara nga Banka e Shqipërisë.

Franga zvicerane vazhdon edhe gjatë kësaj jave të qëndrojë monedha më e fortë e kursit të këmbimit pasi vazhdon të jetë në kuotën e 116.16 lekë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.