Ecuria javore e kursit të këmbimit – Si ka qenë periudha e 18-22 majit për valutat e huaja kundrejt Lekut?

Monedha europiane gjatë kësaj jave ka pësuar luhatje të vazhdueshme duke regjistruar një rritje gjatë ditës së martë për të kaluar më pas sërish në nivelin e 123.79 lekë sikurse edhe ditën e hënë me një rritje të vogël.

Ndërkaq sipas të dhënave të publikuara nga Banka e Shqipërisë, Dollari amerikan ka shënuar një javë të paqëndrueshme duke pasur lëvizje të shpeshta të vlerës teksa e ka mbyllur javën në kuotën e 113.56 lekë më një zbritje prej gati 1 pikë që nga dita e hënë.

Paundi britanik është shfaqur relativisht konstant gjatë periudhës së 18-22 majit duke pësuar një rënie të lehtë ditën e enjte për tu rritur sërish ditën e premte në nivelin e 138.33 lekë.

Franga zvicerane pas një nisje pozitive të kësaj jave ka pësuar një zbritje/rritje të vlerës ditën e martë dhe të mërkurë për të vazhduar më pas një situatë më konstante teksa e ka mbyllur këtë periudhë në kuotën e 116.83 lekë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.