Ecuria javore e kursit të këmbimit valutor – E Shtunë, 19 Tetor 2019

Monedha e Eurozonës është karakterizuar nga një rritje progresive për gjatë tërë kësaj jave duke arritur në fund të saj në kuotën e 123.84 lekë.

Ndërkaq Paundi Britanik është forcuar ndjeshëm me një rritje të rëndësishme gjatë ditës së Enjte por ditën e djeshme ka humbur pak pikë duke e mbyllur sidoqoftë këtë javë në kuotën tejet pozitive prej 143.63 lekë.

Dollari Amerikan ka arritur pikun në mes të kësaj jave pra ditën e mërkurë dhe më pas ka pësuar një rënie të vazhdueshme që është mbyllur dje në nivelin e 111.37 lekë, referuar të dhënave të publikuara nga Banka e Shqipërisë.

Ndërsa Franga Zvicerane e shoqëruar gjatë periudhës së 14-18 tetorit me disa luhatje të lehta e ka mbyllur javën pozitivisht në vlerën e 112.71 lekë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.