Ecuria javore e kursit të këmbimit valutor – Euro dhe Dollari shënojnë rënie. Paundi fiton pikë ndaj monedhës vendase
Kjo javë ka qenë e paqëndrueshme për të gjitha valutat e huaja kundrejt monedhës vendase. Euro e ka nisur javën në vlera relativisht pozitive por ka humbur pikë gradualisht duke e mbyllur këtë javë në kuotën e 121.79 lekëve.
Të njëjtën ecuri ka ndjekur dhe Dollari Amerikan i cili ka rënë në vlerën e 110.33 lekëve në fund të periudhës së 02-06 shtatorit, referuar të dhënave të publikuara nga Banka e Shqipërisë.
Sa i përket Paundit Britanik i cili ka regjistruar për një kohë të gjatë tashmë vlera negative, në fund të kësaj jave ka fituar pikë të konsiderueshme duke u ngjitur në nivelin e 135.76 lekëve në mbyllje të saj.
Franga Zvicerane vazhdon të mbetet e fortë duke u këmbyer edhe gjatë kësaj jave në vlerën e 111.47 lekëve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.