Ecuria javore e kursit të këmbimit valutor – Luhatje të vazhdueshme për Paundin dhe Dollarin
Monedha europiane ka regjistruar një javë relativisht të qëndrueshme me disa luhatje të lehta të kuotës duke e mbyllur të premten në vlerën e 123.61 lekë.
Ndërkaq Paundi britanik ka shënuar disa ulje ngritje të vlerës gjatë kësaj jave me një rritje deri ditën e mërkurë për të rënë sërish më pas në kuotën e 139.61 lekë, referuar të dhënave të publikuara nga Banka e Shqipërisë.
Dollari amerikan gjithashtu është karakterizuar nga lëvizje të herë pas hershme të vlerës duke u rritur ditën e martë dhe të enjte për të rënë më pas në nivelin e 101.97 lekë ditën e premte.
Franga zvicerane sikurse edhe monedha europiane ka përjetuar një javë kryesisht të qetë pa shume luhatje të vlerës teksa është këmbyer në fund të periudhës së 25-29 janarit me 114.81 lekë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.