Ecuria javore e kursit të këmbimit valutor – Paundi i paqëndrueshëm ndërsa Euro dhe Dollari nuk luhaten

Dollari amerikan është shfaqur i qëndrueshëm përgjatë kësaj jave duke mos regjistruar lëvizje të rëndësishme të vlerës teksa është këmbyer ditën e premte me 102.13 lekë më një rënie shumë të lehtë të vlerës në raport me ditën e hënë.

Sipas të dhënave të publikuara nga Banka e Shqipërisë monedha europiane gjithashtu nuk ka shfaqur luhatje të kuotës gjatë periudhës së 19-23 prillit duke e mbyllur ditën e djeshme në nivelin e 123.12 lekë me një rritje të lehtë krahasuar me fillimin e javës.

Paundi britanik ndërkaq pas një rritje të vlerës ditën e martë dhe të mërkurë ka shënuar një rënie ditën e premte duke kapur kuotën e 141.74 lekë me një zbritje totale prej 0.5 pikë nga dita e hënë.

Franga zvicerane ka pësuar një rënie graduale që nga dita e hënë duke u këmbyer ditën e  djeshme me 111.58 lekë me një rënie prej gati 0.5 pikë krahasuar me fillimin e javës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.