Edhe Kina ka një Det të Vdekur! (FOTOT)

Liqeni Xiechi, i njohur gjithashtu si Liqeni i Kripur Yuncheng në provincën Shanxi të Kinës, është bërë i njohur në Instagram dhe faqet e tjera të mediave sociale vitet e fundit falë fotografive ajrore të sipërfaqes së tij shumëngjyrëshe.

Tani, Kina dëshiron ta shndërrojë atë popullaritet interneti në turizëm të jetës reale. Hapi i parë: duke e reklamuar atë për udhëtarët vendas kinezë.

Fushatat e fundit turistike në faqet e mediave sociale kineze, duke përfshirë Weibo dhe WeChat, i referohen Xiechi si “Deti i Vdekur i Kinës” dhe reklamojnë bukurinë dhe vetitë e tij shëruese.

Një vlerësim dallohet si një shenjë e miratimit të liqenit në nivelet më të larta: Liqeni Xiechi u shfaq në një speciale televizive kineze të vitit 2019, duke festuar 70-vjetorin e themelimit të Republikës Popullore të Kinës.

Ekzistojnë tre lloje liqenesh të kripura në botë: karbonat, klorur dhe sulfate. Deti i Vdekur dhe Liqeni i Kripur i Madh në Utah janë të dy liqene kloride. Yuncheng, megjithatë, bie në grupin e fundit.

Xiechi është gjithashtu një liqen “pellgu i mbyllur”, që do të thotë se nuk derdhet në një lumë apo oqean, gjë që shpjegon se si përmbajtja e tij e kripës qëndron kaq e lartë.

Po ato ngjyra të mrekullueshme që e kanë bërë liqenin kaq të popullarizuar nga fotografët? Ato kanë të bëjnë me llojet e kafshëve dhe bimëve që jetojnë në ujë.

Është e mundur që liqenet e kripës të ngrijnë, edhe pse jo aq shpejt sa liqenet e tjera — në fund të fundit, mendoni se çfarë ndodh kur shpërndajmë kripë mbi rrugët e akullta. Uji i kripur ngrin në temperatura më të ulëta se ujërat e ëmbla. CNN

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.