Edhe nëse pandemia mbahet nën kontroll, ekonomia amerikane do të kërkojë 5 vite të rikuperohet

Shtetet e Bashkuara mund të shohin një rikuperim të shpejtë ekonomik nga recesioni pandemik i koronavirusit nëse virusi përmbahet përmes masave shëndetësore ose një vaksine, sipas Mary Daly, presidente e Bankës Federale të San Francisko.

“Nëse ne mund t’i marrim nën kontroll infektimet qoftë përmes një strategjie  të fuqishme zbutjeje ose një vaksine, atëherë ne mund të ringremë aktivitetin ekonomik me të vërtetë shpejt”, tha Daly të mërkurën gjatë një mbledhjeje virtuale me Washington Post.

Në fillim të këtij muaji, Daly tha se SHBA nuk mund të presë edhe 10 vjet për një rimëkëmbje ekonomike. SHBA zyrtarisht ra në një recesion në shkurt, sipas Byrosë Kombëtare të Kërkimeve Ekonomike, duke i dhënë fund një ekspansioni ekonomik të gjatë që filloi pas krizës financiare të vitit 2008.

“Në fund të fundit virusi do të përcaktojë ritmin me të cilin mund të ringrihet ekonomia, e cila mund të rikuperohet brenda 4 ose 5 viteve nëse pandemia mbahet nën kontroll që tani.” tha ajo.

Ndërsa shtetet në të gjithë vendin rihapen, ka pasur raste në rritje të infektimeve që kanë ngjallur frikën e një vale të dytë që mund të prishë rikuperimin ekonomik.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.