Edmond Dragoti: ”Kemi ngecur në një mekanizëm të  ndryshkur!”

I ftuar në emisionin ‘’Argument’’ të së hënës, i drejtuar nga gazetari Enio Civici, ishte dhe sociologu Edmond Dragoti, për të diskutuar rreth një ndër fenomeneve më shqetësuese në vend, siç është ai i largimit të shqiptarëve nga Shqipëria. Sipas sociologut Dragoti shqiptarët kërkojnë të largohen për të përjetuar një realitet tjetër dhe për të provuar veten e tyre, duke marrë më shumë risqe mbi supe. Ky fenomen sipas tij, ndodh pasi zhvillimi ekonomik i vendit tonë është shumë i ulët në krahasim me vendet e tjera dhe kjo është arsyeja pse të rinjtë tërhiqen nga shtetet europiane.

‘’Shqipëria ka çdo mundësi për tu zhvilluar dhe do ishte më interesante sikur të largonim politikanët nga vendi, pasi kemi nevojë për një frymë të re. Kemi ngecur në një mekanizëm të  ndryshkur që vetëm kur i hedhim vajin e korrupsionit mund të funksionojë.’’ – shprehet ai.

E.Z/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.