Ekonomia britanike, e qëndrueshme – Studimi, konsumatorët kanë më shumë besim që nga fillimi i pandemisë
Ekonomia e Britanisë është stabilizuar pasi një karantine e re muajin e kaluar goditi biznesin, ndërsa konsumatorët shpresojnë që fushata e vaksinimit do të nxisë një rimëkëmbje, treguan të dhënat zyrtare.
Indeksi IHS Markit, një sondazh i bizneseve, sugjeroi se ekonomia është tkurrur lehte në gjysmën e parë të shkurtit, ndërsa kompanitë u përshtatën me kufizimet e fundit. Nga ana tjetër, një studim i veçantë i familjeve tregoi se konsumatorët kanë më shumë besim që nga fillimi i pandemisë.
Ekonomia e Britanisë regjistroi rënien e saj më të madhe në 300 vjet në vitin 2020, kur u tkurr me 10% dhe pritet të tkurret me 4% në tre muajt e parë të vitit 2021, parashikon Banka e Anglisë.
Gjithashtu, Banka Qendrore pret një rikuperim të fortë ne vijim për shkak të programit të vaksinimit COVID-19, ndonëse disa politikëbërës mendojnë se Banka Qendrore duhet të ulë normat e interesit nën zero më vonë gjate këtij vit nëse papunësia do te qëndroje e lartë.
Kryeministri Boris Johnson të hënën pritet të njoftojë hapat e ardhshëm të karantines, por ka deklaruar se çdo lehtësim i kufizimeve do të jetë gradual.
Të dhënat zyrtare për janarin nënvizuan ndikimin e karantines së fundit tek shitësit me pakicë.
Vëllimet e shitjeve me pakicë ra me 8.2% nga dhjetori, një rënie shumë më e madhe sesa parashikimi i rënies prej 2.5% në një sondazh të Reuters për ekonomistët, dhe i dyti më i madhi i regjistruar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.