Ekonomia dixhitale në “sprint”, Gjiknuri: Po investojmë kudo! Beqaj: Po “thyen” kufijtë
“Ka ardhur koha që ideja, sipërmarrja, start up-i të fillojë të lexohet mirë nga politika qeveritare, por ndërkohë edhe nga qeveria. Vetëm nëpërmjet inovacionit ne mund të zhvillohemi dhe vetëm nëpërmjet ideve inovative dhe kërkimit shkencor ne mund të arrijmë të integrohemi ashtu siç duhet në vendet e Bashkimit Europian”.
Kërkesës së sipërmarrjes, qeveria i përgjigjet me plane konkrete për investime në fushën e teknologjisë, shtrirjen e rrjetit të internetit në çdo të gjithë vendin, zbatimin e një program të ri për transportin inteligjent dhe tregtinë ndërkufitare që do lehtësojnë bashkëpunimin mes sipërmarrjeve.
“Ne kemi filluar, jemi në hapat e parë për shtrirjen e broadband rajonal. Qeveria është duke organizuar me autoritet përkatëse edhe ankandin për 800 MHz që do të thotë do të kemi një shpejtësi më të madhe të internetit 4G, 5G në mënyrë që shumë shërbime që duhet të ofrohen online të jenë të tilla dhe të kenë mundësi të mbajnë big data. Edhe kjo krijon një mundësi sepse pa pasjen e kësaj infrastrukture shumë nga zgjedhjet inovative nuk do të ishin të mundura”, u shpreh Gjiknuri.
Përfaqësuesit e Kosovës gjykojnë se nevojitet një riorientim të ekonomisë, nga tradicionalja tek teknologjia, duke shprehur me bindje se ekonomia dixhitale po hap dyer të fuqishme.
Festival i Inovacionit ka shënuar ditën e dytë të tij, duke iu dedikuar në veçanti energjetikës dhe telekomunikacionit.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.