Ekonomia e SHBA, e fortë në 2021 – Norma më e lartë në 4 dekada. Perspektiva zbehet për këtë vit
Ekonomia amerikane u rrit me një normë vjetore prej 6.9% në tremujorin e katërt 2021, sipas vlerësimit të parë të Departamentit të Tregtisë, që e vendos normën për vitin e plotë 2021 në 5.7%, që është më e larta që prej vitit 1984. Analistët bënë të ditur se rritja më e fortë se ç’pritej, vjen për shkak të disa faktorëve. Kriza e tejzgajtur e zinxhirit të ofertës ka bërë që konsumatorët të bëjnë Pazar për Vitin e Ri në avancë, për të shmangur vonesat në dërgesa, ç’ka rriti ndjeshëm konsumin dhe shpenzimet.
Rritja e infeksioneve nga varianti Delta dhe rritja e kërkesës sollën një bllokim në logjistike, duke vonuar porosi të mëdha të lëndve të para. Kjo solli rritje të madhe të inventarëve tek shitësit me shumicë dhe pakicë në fund të vitit të kaluar. Një tjetër arsye ësthë se PBB e SHBA ra me 3.4% në vitin 2020, për shkak të pandemisë, duke vënë një bazë relativisht të ulët për krahasim. Përveç kësaj, politikat stimuluese të Rezervës Federale kanë luajtur një rol të fortë në promovimin e rimëkëmbjes ekonomike.
Megjithatë, analistët kanë ulur përgjithësisht pritshmëritë për ekonominë në tremujorin e parë dhe të gjithë vitin 2022. Perspektiva ekonomike Botërore e FMN, dha pritshmëri të rritjes për SHBA në vitin 2022 në 4%, në rënie me 1.2% nga projeksioni i Tetorit të kaluar. Me mungesën e mikroçipeve që po përkeqësohet dhe ndërprerjet e mëdha në kërkesë dhe ofertë për shkak të variantit omicron, rritja ekonomike pritet të ngadalësohet bindshëm në tremujorin e parë, sipas analistëve.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.