Ekonomia e të dhënave – Studimi i KE, në BE gjeneron 60 mld euro në vit, ose 2% të PBB

Tregu i të dhënave është një ndër sektorët që ofron perspektivën më të madhe të rritjes sot, jo vetëm në rang europian.

Për ekonominë e të dhënave, pra kompanive dhe njerëzve që operojnë në sektorin e përpilimit dhe publikimit të të dhënave, Komisioni Europian ka publikuar një studim së fundmi.

Ky studim, tregon se, në Europë rreth 6 milionë persona operojnë në këtë sektor, i cili sipas Komisionit Europian, gjeneron 60 miliardë euro në vit.

Kjo shumë përkthehet në një kontribut në Prodhimin e Brendshëm Bruto të unionit prej 2%.

Por, kjo normë do të ngjitet në 4% në vitin 2020, thotë raporti. Me një normë rritje prej 14.1% në vit, sektori është ndër më premtuesit.

Në të gjithë unionin, 255 mijë ndërmarrje operojnë në sektor, në të dhënat që i referohen vitit 2016. Në vitin 2020, kjo shifër do të ngjitet në 259 mijë ndërmarrje, që do të punësojnë 10 milionë e gjysëm njerëz.

Këta të fundit do të gjenerojnë pak më shumë se 100 miliardë euro për ekonominë e bllokut.

Ndërkohë që në vitin 2016, shifra vlerësohet në 60 miliardë euro, për vitin 2015, fiksohet në 54 miliardë euro, çka konfirmon ritmet e rritjes, me 9.5% në vit.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.