Ekonomia mbështet Merkel – Morali i konsumatorëve prek nivelin më të lartë që prej 2001

Morali i konsumatorit gjerman është përmirësuar edhe më në drejtim të Shtatorit, tregon një anketë e fundit, që nxit edhe pritshëmritë se, blerësit do të vijojnë të mbështesin ekonominë më të madhe të Europës në gjysmën e dytë të këtij viti.

Shpenzimet konsumatore i`a kanë marrë stafetën eksporteve si lokomotiva e ekonomisë gjermane. Konsumatorët favorizohen nga papunësia pranë rekordit minimal, rritja reale e pagave si dhe kostot e ulta të huamarrjes.

Këto janë të dhënat e fundit në serinë e atyre që tregojnë jo vetëm shëndetin mjaft të mirë të ekonomisë gjermane, por që rrisin edhe më tej shanset për Angela Merkel që të rizgjidhet për një mandat të katërt në zgjedhjet e 24 shtatorit.

Indeksi i ndjeshmërisë së konsumatorit u rrit kështu në 10.9 pikë, në rritje për të pestin muaj me radhë. Ky është leximi më i lartë që prej tetorit të vitit 2001. Optimizmi buron nga pritshmëritë për të ardhurat familjare.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.