Ekonomia mund të jetë ngadalësuar – Sejko: Efekte negative, edhe thatësira në vend

Ekonomia shqiptare mund të jetë ngadalësuar, gjatë tremujorit të dytë të këtij viti, për shkak të pasigurive që u krijuan si pasojë e situatës së tensionuar politike. Në daljen periodike për mediat, Guvernatori i Bankës së Shqipërisë, Gent Sejko, paralajmëroi edhe për efektet negative, që mund të transmetohen në ekonomi, për shkak të thatësirës që ka përfshirë vendin.

Përsa i përket politikave monetare, Sejko shtoi se, ato kanë vijuar të transmetojnë efekte pozitive në ekonomi, kryesisht nëpërmjet reduktimit të kostove të financimit.

Në përfundim të mbledhjes, Këshilli Mbikëqyrës i Bankës së Shqipërisë vendosi të mbajë të pandryshuar normën bazë të interesit, në nivelin më të ulët historik prej 1.25%.

Lidion Kulla/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.