Ekonomia në “sytë” e PD, Basha: Shqiptarët më të varfër, do të heqim taksat
Nga çadra e lirisë kreu i opozitës ka sjellë në vëmendje të ndjekësve të tij tenderat dhe koncesionet që janë dhënë në mënyrë abuzive, sipas Bashës, nga qeveria aktuale.
Kreu i demokratëve ka listuar një sërë premtimesh të pa mbajtura në këto vite siç është rritja e pensioneve për 650 mijë pensionistë.
Duke ju referuar raporteve të KLSH, Basha është shprehur se qeveria ka abuzuar me rreth 2.8 miliardë lekë, të cilat i ka marrë nga lekët e taksapaguesve shqiptarë.
Më tej kreu i opozitës është shprehur se me ardhjen e Republikës së Re në krye të vendit do të zerohen taksat e fryra të cilat nuk kanë sjellë të ardhura në buxhet por thjeshtë kanë rënduar xhepat e shqiptarëve.
Ndërkohë që Basha ka sjellë dhe një herë në vëmendje premtimin për 100 milionë dollarë në vit subvencione për fermerët shqiptarë.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.