Ekonomia shqiptare krahasuar me rajonin – Në vendin e tretë, Bosnjen e “kërcënon” pas disa dekadash
Sa i përket renditjes së Shqipërisë si ekonomia e 123-të më e madhe në botë, mes 192 ekonomive, në krahasim me rajonin, më keq se ne është Maqedonia, e 136-ta, Kosova e 152-ta dhe Mali i Zi në vendin e 152-të. Serbia ndërkohë renditet si ekonomia e 88-të në botë dhe Bosnje Hercegovina e 116-ta. Të paktën deri në vitin 2033, situata në rajon pritet të mos ndryshojë dhe 6 shtetet të ruajnë të njëjtat pozita.
Në renditjen e peshës që zë secili shtet në ekonominë botërore, Shqipëria ka garë vetëm me Bosnje Hercegovinën. Por, me ritmin aktual të rritjes së ekonomisë së vendit, duket se gara do të jetë e humbur edhe për shumë dekada me radhë, paçka se ritmi tregon se gjasat janë që mund ta parakalojmë. Por do të duhej të kalonin thuajse 100 vite për të arritur diçka të tillë, pra që ekonomia shqiptare të performojë njësoj si tani dhe ajo e Bosnjës po ashtu, por me një ritëm më të ulët se vendi ynë.
Me Serbinë ndërkohë nuk ka fare garë, pasi është një ekonomi bindshëm më e madhe. Edhe sa i përket kërcënimit që mund të vijë nga ekonomia si ajo e Maqedonisë, alarmi do të ishte e kotë, pasi distanca është e ndjeshme.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.