Ekspertët: Ky veprim i thjeshtë do të parandalonte me 70% përhapjen globale të Koronavirusit!
Kundër Koronavirusit (dhe patologjive të tjera) është e dobishme të shtoni zakonin e larjes së duarve: një gjest i thjeshtë, por jo shumë i zakonshëm dhe zakonisht i realizuar jo si duhet.
Inkurajimi i zakonit të larjes së duarve në 10 aeroportet që lidhen më mirë me zonat e prekura nga infeksionet virale do të ngadalësonte ndjeshëm rrugën e patogjeneve. Kjo u zbulua nga një studim i publikuar në 23 Dhjetor 2019, përpara se epidemia e Koronavirusit 2019-nCOV të bëhej masive. Hulumtimi i publikuar në Analizën e Riskut është sot me rëndësi aktuale, edhe pse nuk ka të bëjë veçanërisht me Koronavirusin e ri, por me të gjitha sëmundjet infektive duke filluar nga gripi i thjeshtë.
Analizat tregojnë se udhëtarët përballen me çështjen e higjienës së duarve në mënyrë sipërfaqësore, madje edhe në vende të pista dhe të mbushura me njerëz siç janë aeroportet, plot me sipërfaqe si krahët e karrigeve apo dorezat e dyerve të tualeteve etj, të cilat preken çdo ditë nga miliona njerëz nga e gjithë bota. Vetëm 20% e atyre që kalojnë nëpër aeroporte kanë duar të pastra, domethënë, lahen me sapun dhe ujë për të paktën 15 sekonda në orën e fundit ndërsa 80% e pjesës së mbetur është shpërndarës i mundshëm i patogjeneve me kalimin e kohës ndërmjet fluturimeve.
Një studim i mëparshëm nga Shoqëria Amerikane për Mikrobiologji vlerëson se vetëm 70% e njerëzve që përdorin një tualet aeroporti i lajnë duart para se të largohen nga banja. Sikur të mos mjaftonte kjo, vetëm gjysma e tyre e bëjnë atë si duhet: të tjerët janë të kënaqur me një shpëlarje të shpejtë me ujë. Përmirësimi i higjienës së duarve midis udhëtarëve ajror mund të trefishojë përqindjen e njerëzve me duar të pastra në aeroport, duke e çuar atë në 60%: për studiuesit, kjo do të ngadalësonte transmetimin global të sëmundjeve infektive me 70%. (Focus)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.