Ekspertët paralajmërojnë: Do të ketë një tjetër pandemi e sëmundjeve infektive. 6 mënyra se si mund të përgatitemi!

Më shumë se dy vjet pas pandemisë Covid-19, ne kemi arritur në një udhëkryq. Cikli i panikut-neglizhencës është zakoni i nën investimit ose vëmendja e pamjaftueshme ndaj infrastrukturës shëndetësore publike dhe funksioneve të nevojshme për parandalimin, identifikimin, frenimin dhe reagimin ndaj shpërthimeve të sëmundjeve infektive.

Një tjetër pandemi duket e pashmangshme sepse ne jetojmë në një epokë pandemish, tha Dr. Larry Brilliant, një epidemiolog dhe CEO i Pandefense Advisory. Më shumë se gjashtë në çdo 10 sëmundje infektive e kanë origjinën nga kafshët dhe kanë kaluar te njerëzit. Ky rrezik është rritur në 20 vitet e fundit.

Pjesa më e madhe e barrës së gatishmërisë është në duart e institucioneve publike shëndetësore, por publiku mund të luajë një rol jetik. Ja çfarë mendojnë disa nga ekspertët kryesorë të sëmundjeve infektive që të dy mund të bëjnë për të ndihmuar:

1. Rritja e financimit në sektorin e shëndetit publik
2. Mbrojtja e natyrës (të menduarit për shëndetin mjedisor si pjesë e shëndetit tonë është kritike për reduktimin e përhapjes së virusit).
3. Veproni herët dhe shpejt (ekspertët e sëmundjeve infektive zbulojnë herët shpërthimet e një sëmundjeje të re dhe adresimi i shpejtë i tyre ndërsa ato janë të vogla është çelësi për të parandaluar një urgjencë më të madhe).
4. Përmirësimi i komunikimit të shëndetit publik.
5. Luftoni dezinformimin (Dezinformimi pandemik mund të ndikojë në motivimet, bindjet dhe vendimmarrjen e njerëzve në lidhje me shëndetin e tyre, politikën, mjedisin dhe më shumë).
6. Mbështetni shëndetin tuaj (Rezistenca individuale është një tjetër faktor kyç në parandalimin e sëmundjeve të rënda dhe vdekjeve gjatë pandemisë). CNN

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.