Eksportet e naftës së Iranit, drejt 0! – SHBA do të rikthejë sanksionet. Rriten ndjeshëm çmimet

Shtetet e Bashkuara pritet të lajmërojnë blerësit e naftës iraniane që të ndalojnë importet, përndryshe do të përballen me sanksione, ç’ka solli një rritje me 3% të naftës në treg në nivelin më të lartë të 2019-ës.

Politikanët në Azi e kundërshtuan këtë lëvizje, duke theksuar kushtet e tregut dhe rritjen e çmimeve që po dëmton industrinë.

Sipas burimit për Reuters që konfirmoi  lajmin e Washington Post, administrata do të përfundojë përjashtimin e sanksioneve që i dha disa importuesve të naftës iraniane vitin e kaluar.

Nafta brent e Londrës u rrit me 3.2% në 74.3 dollarë për fuçi, që është niveli më i lartë që prej Nëntorit të 2018-ës, prej pritshmërive të tkurrjes së ofertës.

Presidenti Donald Trump kërkon të ndalojë të gjithë eksportet, për të ushtruar një presion maksimal ekonomik ndaj Iranit, duke ulur zërin kryesor të të ardhurave për vendin në zero.

Arabia Saudite, që është eksportuesi më i madh në botë, ka qenë në gatishmëri për të kompensuar humbjet në treg,   por do të duhet të vlerësojë fillimisht ndikimin përpara se të rrisë prodhimin e vet.

Në muajin Nëntor, Shtetet e Bashkuara rivendosën sanksione ndaj eksporteve iraniane të naftës, pasi presidenti Donald Trump u tërhoq nga marrëveshja bërthamore me vendin.

Megjithatë, Washingtoni përjashtoi 8 blerësit kryesor, përfshirë Kinën, Indinë, Japoninë, Korenë e Jugut, Tajvanin, Turqinë, Italinë dhe Greqinë, për 6 muaj.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.