Ekspozita e shndërruar në spital – Britania hap dyert e objektit mjekësor me 4000 shtretër për pacientët me COVID-19

I pari nga spitalet e reja të qeverisë britanike, Nightingale është hapur zyrtarisht sot në mëngjës në Londër. Objekti më i madh spitalor në Mbretërinë e Bashkuar do të hap dyert e tij për të marrë pacientët me koronavirus që kanë nevojë për trajtim të kujdesit intensiv.

Qendra e ekspozitës ExCeL e Londrës Lindore është shndërruar në spitalin e përkohshëm, me hapësirë për 4,000 shtretër. Në nëntë ditë, sallat e ekspozitës 87,328 metra katrorë janë pajisur me kornizën për më shumë se 80 reparte, secila me 42 shtretër.

Princi i Uellsit, i cili së fundmi përfundoi vetë-izolimin pas testimit pozitiv për koronavirus, do të hapë objektin e ri mjekësor në mënyrë virtuale – përmes lidhjes video. Ruth May, oficeri kryesor i infermierisë për Anglinë, do të jetë pritësi i këtij aktiviteti, së bashku me Sekretarin e Shëndetit Matt Hancock dhe profesorin Charles Knight, shefin ekzekutiv të NHS Nightingale. (BBC)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.