Eliminohen radhët e gjata në Kashar, DPSHTRR: Rezervo online takim në sportel për këto 9 shërbime!
Drejtoria e Përgjithshme e Shërbimit të Transportit rrugor ka sjellë një tjetër risi. Duke nisur që nga 20 gushti çdo qytetar do të mund të evitoj radhën e gjatë të pritjes për shërbimet në Kashar, pasi mund të rezervojë online orarin e takimit për 9 shërbimet si më poshtë:
Ndryshimi i pronësisë mbi mjetin (kur zotëron kontratën e shitjes)
Kontratë shitblerje për mjetin
Humbja, vjedhja, shkatërrimi ose dëmtimi i targës/targave
Humbja, vjedhja, shkatërrimi ose dëmtimi i Lejes së Qarkullimit
Ndryshimi i vendbanimit të pronarit të mjetit
Ndryshimi i gjeneraliteteve të pronarit të mjetit
Ndryshimi i karakteristikave konstruktive dhe funksionale të mjetit
Çregjistrim i përkohshëm i mjetit
Çregjistrim i përhershëm i mjetit
Në njoftimin zyrtar, DPSHTRR njofton se rezervimet online, do të lehtësojnë 45 % të praktikave në rang vendi si dhe 60 mijë praktika në vit.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.