Elion Semanaj prezantohet në krye të Hipotekave, zëvëndëson Blerina Doracajn
Elion Semanaj është drejtuesi i ri i Hipotekave, detyrë kjo e cila është mbajtur nga Blerina Doracaj.
Semanaj u vu në krye të Hipotekave pas përzgjedhjes së konkursit për këtë post raporton “shqiptarja.com”. Konkursi u hap publikisht më 10 Tetor nga Ministrja e Drejtësisë Etilda Gjonaj për 26 pozicione vakante për drejtues të zyrave të hipotekave.
Më herët Semanaj ka qenë Drejtor Ekzekutiv i Agjencisë Kombëtare të Burimeve Natyrore.
Kush është drejtori i ri i Hipotekave?
Në datë 15.05.2017 Elion Semanaj, me Urdhër të Ministrit të Energjisë dhe Industrisë Damian Gjiknuri, u emërua përkohësisht Drejtor Ekzekutiv i Agjencisë Kombëtare të Burimeve Natyrore.
Elion Semanaj është diplomuar si jurist në Fakultetin e Drejtësisë, dega juridik, në Universitetin e Tiranës. Semanaj ka një eksperiencë të gjatë në punë si jurist. Ai ka kryer detyrën e juristit në Autoritetin Portual, Durrës, për të vazhduar më tej, në Avokaturën e Përgjithshme të Shtetit.
Nga muaji shtator i vitit 2013 e në vijim, Semanaj ka kryer detyrën e Zëvendësdrejtorit Ekzekutiv të Agjencisë Kombëtare të Burimeve Natyrore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.