Eliona Naçi, “Artistja e Dritës”! Si të shfrytëzojmë çdo mundësi për arredimin e shtëpive tona
Nga Jolanda Shuaipi/SCAN Magazine
“Ndriçimit të ambjenteve të brendshmë po i jepet një rëndësi e madhe. Tendencat ofrojnë atë që është IN për momentin, poor gjithmonë zgjedhja mbtet ne shijet e njerëzve”.
“Rruga nga ideja e deri në realizimin e ndriçuesit ishte tejet e veshtirë e kjo më shtyu të mendoja se diçka të tillë mund ta realizoja unë vetë duke ju ardhur në ndihmë atyre që dëshironim diçka të tillë”.
Arredimi i ambjenteve të brendshme mbetet një ndër dilemat në shijet e njerëzve. Një ndër detajet që plotësojnë arredimin është edhe ndriçimi. Madje mund të konsiderohet si një ndër detajet e rendësishme për të marr vlersimin e duhur.
Ndriçimi luan rolin kryesor në dhomat e shtëpisë.Shumë prej nesh e shikojnë atë si një pjesë thelbësore të shtëpisë, duke marrë parasysh anën funksionale. E thënë nga arkitektët është diçk a e sigurtë që me anë të ndricimit të duhur ju mund të shndërroni pamjen e dhomës dhe të shtëpisë në tërësi. Dimesionet e dritës janë të shumta, me të mund të luhet shumë mirë në hapësirat që na ofrohen.
Zgjidhja e ndriçimit të duhur mbetet në dorën e gjithësecilit prej nesh, të shijeve, të asaj çka duam të personalizuar. Eliona Naçi financiere në profesion prej më shumë se dy vitesh ka nisur ti përkushtohet ndriçmit. Madje mjaft mirë mund të cilësohet edhe si “artistja” e tij. Gjithçka nisi nga dëshira e saj për të bukurën dhe larg monotonisë së asaj çka na ofrohet. Eliona arrinë të krijojë ambazhurë në mënyrë artizanale. Të gjithë të punuar në dorë.
Një pasion i saj që po perfeksionohet çdo ditë dhë më shumë. Ajo tregon për “SCAN MAGAZINE” se si mori udhë një nisëm e tillë : – “Lindi nga dashuria. Ashtu siç cdo gjë e bukur. Para disa vjetësh m’u desh të mendohesha për një dhuratë për shtëpinë e re të motrës time. Gjithmonë kam parapëlqyer një formë personalizimi të të bërit dhurata dhe gjithmonë jam munduar që ato të kenë qenë sa më të veçanta.Por s’mund të lë pa thënë se jam rritur mes dy njerëzve shumë të dashur për mua, gjyshërve të mi, persona të cilët jo vetëm kanë ndikuar e lënë gjurmë në këtë që jam sot e unë ju detyrohem shumë por gjithashtu më kanë lënë një pasuri të madhe. Kam shansin e madh ta kem ende pranë, ruaj thesare shumë të bukura, sende personale të viteve 40-50, module rrobaqepsie, si edhe revista mode të po këtyre viteve nga vende të ndryshme te botes, disa prej të cilave jane kthyer në motive të përdorura për kompozimin e veshjes së abazhureve. Kështu vendosa që pjese të këtij thesari t’a përdorja për dizajnin e dy abazhureve të mëdhenj te cilet do t’ja beja motres dhurate.
E keshtu u be, ne sallonin e saj te pritjes qendrojne fare bukur dy abazhure, i pari plot me harta të cilat në të vogla i shkarravisnim kur mësonim numrat e gërmat e para, e i dyti me pjese jetë, disa pulla, pak letërkëmbim e disa shkrime të shkëputura nga ditari personal ku pjesa e preferuar e imja është përjetimi i ditës së lindjes se motrës sime të cilën gjyshi ynë e kisha përshkruar në ditarin e tij.Por rruga drejt finalizimit, nga ideja e deri në realizimin e ndriçuesit ishte tejet e veshtirë e kjo qe ajo që më shtyu të mendoja se diçka të tillë mund ta realizoja unë vetë duke ju ardhur në ndihmë atyre që si unë deshironim diçka të tillë”.
Ajo që sot po kërkohet më së shumti janë ndriçuesit e personalizuar. Në të mund të vendosim copëza të jetës sonë duka ndriçuar edhe pjesë të shpirtit. Kur e pyesim Elionën se sa e vështirë është të bësh “artisten” e dritës ajo na tregon të bësh dritë është sit ë thuash të marrësh pranë vetes gjerat që kë me të dashura dhe mbi to të krijosh art ndriçimi.- :“Une bëj dritë me çka kemi të dashur.Kënga e zemrës, një apo shumë fotografi të njerëzve të dashur, një revistë e vjetër, një film i preferuar, vizatimi i fëmijes kushtuar ty, gjithçka që ka të bëjë me personin të cilit i dedikohet. Rrekem të kuptoj marrësin, atë për të cilin është menduar ndriçuesi.
Pastaj udha e krijimit është e paparashikueshme. Një periudhë 10-12 ditore është e mjaftueshme por që ka edhe kjo përjashtimet e saj duke marrë parasysh qe proçesi i konceptimit dhe realizimit grafik të idesë mund të zgjasë më shumë nga ç’shkon zakonisht. Të marrit apo të kapurit e një ideje e të sjellurit e saj në jetë të materializuar në diçka konkrete është e vështirë sidomos këtu në Shqipëri, ku ende sfida më e madhe vazhdon të mbetet përballja me bashkepunëtorët, e pashmangshme kjo e fundit edhe atëhere kur pjesën më të madhe të punës e realizon vetë.
Për mua këtu qëndron vështirësia më së shumti, në gjetjen e burimeve për lëndën e parë e në krijimin e një marrëdhnieje reciproke të të punuarit me furnitorë e bashkëpunëtorë, mangësi të cilat i vuajmë në përgjithësi ne shqiptarët. Ajo që unë bëj është një nga mënyrat për ta risjellë cilësinë dhe vlerën e artizanales në të përditshmen e jetës sonë. Një ndriçues është sot një orendi e domosdoshme në shtëpitë tona. Kush nuk e ka në të tillë?! Dhe pse të mos ketë nga pas kjo veshje e kësaj orendie funksionale edhe një histori, një kujtim, diçka të dashur?!
Ndërfutja e dizajnit (në kuadrin e artit grafik të cilin na e mundëson teknologjia) në artizanat do të thoja që është vlerë e shtuar në atë që unë ofroj . E rëndësishme është të lësh diçka,një gjurmë, të mbetet tek të tjerët diçka prej teje apo e asaj që ti bën. Naçi tregon me tëj në rrëfimin e saj se e thënë më shkurtimisht mbi një abazhurë mund të të krijojmë një histori jete.
Për të mbi një sipërfaqe të tillë mund të mund të krijojmë gjithçka, personalizimi dhe kreativiteti nuk njeh limite.Në jo pak raste kemi zgjedhur të vendosim në veshjen e një abazhuri, çdo moment kuptimplotë të jetës së një njeriu të rëndësishëm, nga ekoja e parë e një embrioni,për shembull, te hapat e pare të hedhura, buzeqeshjen e pare, vizatimet e para,klasen e pare e te tjera momente si keto qe te mbushin shpirtin plot.Apo të gjitha çastet e rëndësishme të një historie dashurie, nga foto e parë së bashku deri në momentin e kurorëzimit të kësaj dashurie.
Ndriçimit të ambjenteve të brendshmë po i jepet një rëndësi e madhe. Tendencat ofrojnë atë që është IN për momentin, por gjithmonë zgjedhja mbetet ne shijet e njerëzve. Tashmë kjo fushë po kthehet në një formë arti, e në këtë pjese Eliona është një personazh i veçantë, arti i saj na mundëson të jemi krejt ndryshe nga pjesa tjetër. Falë punës që ajo realizon në dorë,mund të kemi në duar këta abazhur të personalizuar.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.