EMA po vlerëson Pfizer për 5-vjeçarët – Rregullatori mbështet gjithashtu rritjen e prodhimit dhe aksesin e vaksinave
Rregullatori i barnave në Europë deklaroi se po vlerëson përdorimin e vaksinës së Covid-19 të Pfizer-BioNTech te fëmijët deri në 5 vjeç, ndërkohë që po ndërmerr gjithashtu hapa që të mbështesë rritjen në prodhim dhe disponomin e dozave. Agjencia Europiane e Barnave bëri të ditur se do të rishikojë të dhënat, përfshirë rezultatet nga një studim aktual, për vaksinën e njohur si Comirnaty.
Vaksina e pfizer është autorizuar për përdorim tek personat në 12-vjeç e sipër në BE dhe SHBA. Vaksina me 2 doza, që bazohet tek teknologjia e re me lajmëtar të ARN, nxit një reagim të fortë tek 5-11 vjeçarët, sipas provave klinike me 2,268 pjesëmarrës. Pfizer dhe partneri gjerman BioNTech dorëzuan të dhënat e vaksinës për fëmijët javën e kaluar. Pavarësisht se fëmijët janë më pak të rrezikuar nga Covid-19 i ashpër, ato mund ta përhapin sëmundjen tek të tjerët, përfshirë tek grupet e rrezikuara.
Përveç vaksinimit të fëmijëve, rregullatorët dhe kompanitë e barnave po konsiderojnë gjithashtu doza nxitëse për më të cënuarit, duke vënë në dukje nevojën e rritjes së prodhimit dhe zgjerimit të aksesit, për të mbrojtur sa më shumë njerëz. Agjencia europiane deklaroi gjithashtu se ka miratuar 2 qendra të tjera të manifakturës për prodhimin e vaksinës në qytetet italiane Monza dhe Anagni, ndërkohë që ka dhënë dhe dritën e gjelbër për një formulim të gatshëm të vaksinës së pfizer. Dy qendrat në Itali do prodhojnë deri në 85 milionë doza shtesë për të furnizuar BE këtë vit, sipas rregullatorëve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.