Emigrantë apo vrasje?! Misteret e tragjedisë në Britani, 39 të vdekur brenda kamionit që vinte nga Bullgaria
Një kamion që udhëtonte nga Bullgaria në Britani është ndaluar dhe brenda tij janë gjendur trupat e 39 personave të vdekur. Shoferi i kamionit, një 25 vjeçar nga Irlanda e Veriut është arrestuar me akuzën e vrasjes.
Policia e Essex njoftoi se mjeti ka hyrë në Britani ditën e shtune.
Organet policore kanë vendosur si prioritet identifikimin e viktimave. Kryeministri britanik Boris Johnson e ka cilësuar si “një tragjedi që të thyen zemrën”.
Rruga e ndjekur nga kamioni për të shkuar nga Bullgaria në Britani cilësohet si një “rrugë jo e zakonshme”, duke lënë të kuptohet se kjo rrugë përdoret nga emigrantët.
Edhe pse ende nuk mund të thuhet se në këtë rast kemi të bëjmë me emigrantë, BBC e shoqëron artikullin me disa statistika të vdekjeve të emigrantëve në rrugën për t’u futur në Britani.
Një ngjarje e ngjashme është shënuar në vitin 2000 kur 58 kinezë u gjenden të mbytur në një konteiner.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.