Emigrantë të huaj në Shqipëri, AIDA: Ja çfarë ndryshon në procedurën për të huajt
Agjencia Shqiptare e Zhvillimit të Investimeve ju informon mbi Ligjin Nr. 13/2020 “Për disa ndryshime dhe shtesa në ligjin “Për të huajt” të ndryshuar”. Fushat të cilat kanë ndryshuar janë: politika e vizave; politika e qëndrimit dhe politika e punësimit të të huajve.
Sipas njoftimit ndryshimet konkretisht janë si më poshtë:
- Politika e vizave me qëllim krijimin e mekanizmave të nevojshëm për lëshimin e vizave elektronike on-line.
- Politika e qëndrimit në Republikën e Shqipërisë me qëllim shkurtimin e afateve për shqyrtimin dhe lëshimin e lejes së qëndrimit.
- Politika e punësimit të të huajve me qëllim përmirësimin e disa dispozitave të lidhura me lejen e punës dhe punësimin e të huajve në Republikën e Shqipërisë duke qartësuar afatet kohore dhe procedurat për t’u pajisur me leje pune dhe duke reduktuar pengesat e panevojshme për punësimin e shtetasve të huaj në territorin e Republikës së Shqipërisë.
“Këto ndryshime do të kenë efekt direkt në rritjen e numrit të shtetasve të huaj që dëshirojnë të vizitojnë Shqipërinë, të bëjnë biznes në shqipëri, apo që e shohin Shqipërinë si një mundësi për punësim,” bën me dije AIDA.
Për detaje vizitoni linkun këtu!
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.