Emigrantët/ Fluksi i automjeteve, Bashkia hap oborrin e shkollave për parkimin e tyre pa pagesë!

Fluksi i emigrantëve që vijnë në Shqipëri gjatë muajit gusht sjell edhe rritjen e fluksit të automjeteve në qarkullim, duke sjellë problematikë të theksuar për qarkullimin e parkimin e tyre, sidomos në qytetet e vogla. Në këto kushte, Bashkia e Lezhës ka gjetur si zgjidhje hapjen e oborrit të shkollës si vendparkimi pa pagesë.

“Gjatë muajit gusht rritet fluksi i automjeteve që qarkullojnë në qytetin e Lezhës, si rezultat i emigrantëve që rikthehen në familjet e tyre si dhe pushuesve e vizitorëve të shumtë që zgjedhin Lezhën për të kaluar ditët e verës.

Për këtë arsye, krahas disiplinimit të vendeve të parkimit në dy rrugët kryesore të qytetit dhe në çdo lagje, funksionimit korrekt të parkingut në lulishten përballë gjimnazit “Hydajet Lezha’, gjatë muajit gusht Bashkia Lezhë orienton qytetarët se mund të parkojnë makinat e tyre, pa pagesë, edhe në oborrin midis shkollës “Kosova”dhe konviktit të shkollës profesionale “Kolin Gjoka”. Orari i parkimit: nga ora 8.00 deri 15.00 nga e hëna në të shtunë” njofton Bashkia Lezhë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.