“Emigrimi nuk është zgjidhja për Britaninë” – Johnson thotë se problemi vjen nga kërkesa. Pranon të metat e Brexit

Kryeministri Boris Johnson tha se nuk do t’i rikthehet “emigrimit të pakontrolluar” për të zgjidhur problemin e karburantit, gazit dhe krizës ushqimore përpara Krishtlindjeve, duke sugjeruar për herë të parë se probleme të tilla lidhen me daljen e Britanisë nga Bashkimi Europian. Në nisje të konferencës së Partisë Konservatore, Johnson u detyrua përsëri të mbrojë qeverinë përballë ankesave nga ata që nuk mund të blinin dot karburant, shitësit me pakicë që paralajmëronin për mungesa për Krishtlindje dhe kompanitë e gazit që po shkojnë drejt falimentimit, prej rritjes së çmimeve.   Lideri britanik shpresonte të përdorte konferencën për të lajmëruar fundin e mbi 18 muaj të Covid-19 dhe të ripërqëndrimin drejt premtimeve zgjedhore për të trajtuar barazinë rajonale, krimin dhe kujdesin social. Por, kryeministri u gjend përsëri në disavantazh, 9 muaj pasi Britania përfundoi daljen nga BE.

“Zgjidha për vendin tonë nuk është thjesht tërheqja e levës me titull “emigrim i pakontrolluar”, që do lejojë një numër gjigant të njerëzve të punojnë.   Pra unë nuk do rikthehem tek modeli i vjetër i dështuar me paga të ulëta, cilësi të ulëta, të mbështetura nga emigrimi” u shpreh Johnson.

Kjo deklaratë, përbën edhe pranimin e parë të kryeministrit që dalja nga BE ka kontribuar tek ngërçi i zinxhirit të ofertës dhe fuqia punëtore.  Megjithatë, ai u tregua i qartë se nuk do pranojë përsëri që emigrimi të mbosh këto hendeqe dhe e drejtoi përgjegjësinë tek bizneset që të rrisin pagat për të tërhequr punëtorë.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.