Emiratet Arabe ‘joshin’ shtetasit e huaj – Tashmë jo vetëm viza standarde pune por edhe për më gjatë
Dubai ka qenë prej kohësh një destinacion për të mërguarit nga e gjithë bota, por në vitet e fundit ka pasur një trend në rritje që banorët të zgjedhin të qëndrojnë për periudha më të gjata kohore. Në përgjigje të kësaj, në 2018, kabineti i Emirateve të Bashkuara Arabe miratoi një ligj për të futur një vizë pensioni pesë-vjeçare të rinovueshme, e cila hyri në fuqi më shumë se një vit më vonë.
Michale Kortbawi është një partner në Avokatët BSA, ai e përshkroi këtë vizë të re pensioni si ndryshimin e Dubait, duke e bërë atë “jo më një vend ku të vini dhe të punoni dhe pastaj të merrni paratë tuaja dhe të largoheni”. Po u jep shtetasve të huaj mundësinë për të investuar dhe për të bërë një jetë në qytet.
Sipas vlerësimeve të Kombeve të Bashkuara, vitin e kaluar Emiratet e Bashkuara Arabe pritën më shumë emigrantë sesa Franca ose Kanadaja.
Ata që kërkojnë të marrin vizën duhet të plotësojnë një nga katër kriteret. Ata duhet të kenë të ardhura mujore prej afërsisht 4,600 euro, ose të kenë prova të kursimeve më të larta se 230,000 euro. Përndryshe ata duhet të zotërojnë një pronë me vlerë të paktën 460,000 euro ose të kenë kursime të kombinuara dhe pronë të vlerësuar në minimum 460,000 euro.
Megjithëse fillimisht u drejtohej banorëve aktualë të Dubait, skema e vizave do të shtrihet për njerëzit në të gjithë botën. Ideja është që ata të vijnë dhe të kalojnë pensionin e tyre këtu dhe të shijojnë rrezet e diellit gjatë gjithë vitit dhe aktivitetet e shumta që qyteti ka për të ofruar.
Qëllimi i vizës së pensionit nuk është vetëm të nxjerrë në pah stilin e jetës unike të qytetit, por gjithashtu të ndihmojë në rritjen e zhvillimit ekonomik në vend si një qendër biznesi dhe investimesh.
CEO i Spitaleve dhe Qendrave Mjekësore të Med Care, Andre Daoud, thotë se shërbimet e kompanisë së tij po përshtaten me demografinë e re. Me më shumë të moshuar që u ofrohet viza, ai thotë se “është e rëndësishme që ata të jenë në përputhje me ato nevoja”. Kjo është arsyeja pse ata po përmirësojnë grupin e shërbimeve për atë grupmoshë.
Emiratet e Bashkuara Arabe nuk vendosin taksë mbi të ardhurat e individëve, gjë që e bën atë tërheqëse për pensionistët, por implikimet për njerëzit që jetojnë në qytet do të ndryshojnë nga vendi në vend kur bëhet fjalë për pensionin e tyre.
MB dhe Emiratet e Bashkuara Arabe kanë një traktat të dyfishtë taksash i cili duhet të sigurojë që asnjë taksë nuk paguhet në Emiratet e Bashkuara Arabe për pensionistët Britanikë nëse ata tashmë po paguajnë taksat e tyre në MB. Spanja dhe Emiratet e Bashkuara Arabe gjithashtu kanë një marrëveshje të taksimit të dyfishtë. Taksat paguhen vetëm një herë, nëse zbatohen në Spanjë.
Sapo njerëzit të vendosin të qëndrojnë në Dubai ku edhe të jetojnë bëhet jashtëzakonisht e rëndësishme, qoftë si qiramarrës apo blerës. Lewis Allsopp është CEO i Allsopp & Allsopp, një ndërmjetës i pasurive të patundshme në Dubai dhe ai e gjen vizën e re të pensionit një bonus për industrinë e strehimit:
“Unë mendoj se nëse jeni shitës, ose pronar padyshim që do të sjellë më shumë klientë. “Tregu i pronave ka nevojë që njerëzit të lëvizin këtu, të jetojnë këtu dhe të qëndrojnë këtu për ta mbajtur atë shumë aktiv. “Pra, për mua, është padyshim një lajm i mirë”.
Viza pesë-vjeçare e daljes në pension është një shpresë e re për pensionistët që duan të shkojnë në Dubai. Po kërkon të inkurajojë më shumë njerëz të qëndrojnë dhe ta quajnë qytetin shtëpinë e tyre. (Euronmews)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.