Emiratet e Bashkuara Arabe: Një plan sigurimi në ndihmë të personave që janë pa punë

Emiratet e Bashkuara Arabe kanë prezantuar një program të ri të sigurimit të papunësisë që do të sigurojë mbështetje financiare për punëtorët e sektorit publik dhe privat. Skema e re e detyrueshme do të hyjë në fuqi në fillim të vitit 2023. Kostoja e sigurimit të papunësisë pritet të variojë nga 10 deri në 25 euro në vit për mbulimin bazë. Plani parashikon pagesën e 60% të pagës bazë të punonjësit deri në 5000 € në muaj për një periudhë të caktuar.

Ministria e Burimeve Njerëzore të Emirateve, konfirmoi se nga ky plan do të përfitojnë qytetarët por dhe të huajt që kanë zgjedhur të jetojnë e punojnë aty. Në një intervistë për Euroneus, ministri u shpreh se kjo ka qenë gjithmonë natyra e tregut të punës në Emiratet e Bashkuara Arabe, dhe se është shumë i hapur, shumë dinamik e shumë tërheqës. Masa e re nuk prek investitorët, punëtorët shtëpiak, punëtorët me kontratë të përkohshme, punonjësit nën moshën 18 vjeç dhe pensionistët.

Për të qëndruar dhe jetuar në Dubai nevojitet një vizë e vlefshme qëndrimi, e lidhur me statusin e punës. Sipas rregullave aktuale, punonjësit e huaj që humbasin punën e tyre kanë disa muaj kohë për të gjetur një të re, përndryshe duhet të kthehen në vendin e tyre të origjinës.

Legjislacioni i ri nuk tërheq vetëm talentet, por synon t’i mbajë ata në vend. Sipas ekspertëve, sistemi i ri, i kombinuar me ndryshimet e fundit në ligjet e emigracionit dhe të punës, do të sjellë ndryshime thelbësore në tregun e punës.

Sistemi i sigurimit të papunësisë synon të forcojë konkurrencën e tregut të punës dhe të sigurojë një mburojë sigurie afatgjatë për punonjësit dhe punëdhënësit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.