Enel do shesë energji të gjelbër tek Kellogg – Gjiganti italian do ndihmojë kompaninë e drithërave me objektivat klimatikë
Kompania më e madhe e shërbimeve utilitare në Evrope, Enel, ka rënë dakord të shesë 360 gigawat/ orë energji të gjelbër në vit tek kompani Kellog, për të ndihmuar gjigantin amerikan të drithërave që të arrijë objektivat klimatikë. Të dy kompanitë bënë të ditur se kanë nënshkruar një marrëveshje virtuale të blerjes së energjisë (VPPA) për 100 megawat, për energjinë elektrike të dërguar nga projekti i Enel në Teksas. Sasia është e ekuivalente me gjysmën e energjisë elektrike të përdorur nga Kellogg në të gjithë fabrikat në Amerikën e Veriut.
Kompania, që ka premtuar se do ketë energji 100% të gjelbër tek operacionet deri në vitin 2050, deklaroi se marrëveshja do ndihmojë në arritjen e objektivit dhe reduktojë emetimet e gazrave serë me 65%. “Kjo i tregon investitorëve dhe konsumatorëve tanë se ne po ndërmarrim veprime të shpejta për të trajtuar ndryshimin klimatik”- deklaroi kompania. Këto marrëveshje virtuale të blerjes së energjisë, po përdoren gjithnjë e më shumë nga kompanitë amerikane për të shtuar kredencialet e gjelbra dhe ngecur çmimet.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.