Ensete, pema kundër urisë që do të ushqejë miliona njerëz me ‘bukë’!
Në Etiopi ekziston një bimë që mund të ushqejë mbi 100 milionë njerëz: quhet ensete, ose banane e rreme (Ensete ventricosum), dhe praktikisht është e panjohur jashtë vendit afrikan. Hulumtimi i botuar në Environmental Research Letters hetoi zgjerimin e mundshëm të tij, duke vlerësuar se ai mund të zërë 22% të tokës së kultivuar dhe të ushqejë gati 30% të popullsive që banojnë në Afrikën jugore dhe lindore.
Fruti i ensetës, një i afërm i bananes më të njohur, nuk është i ngrënshëm: megjithatë kërcelli dhe rrënjët niseshte të bimës mund të fermentohen dhe përdoren për të përgatitur bukë dhe qull. Avantazhi i bananes false është përshtatshmëria e saj: “Mund të mbillet kudo dhe të korret në çdo stinë, dhe është shumëvjeçare”, shpjegon James Borrell, një nga autorët e studimit: “për këtë arsye quhet pema kundër urisë».
Prej disa kohësh, ekspertët pyesin se cili do të jetë ushqimi i së ardhmes, veçanërisht duke pasur parasysh ndryshimet që do të pësojë territori për shkak të krizës klimatike. Çelësi për të vazhduar të kemi ushqim për të gjithë është diversifikimi i të korrave: “për momentin po i mbajmë të gjitha vezët në të njëjtën shportë”, komenton Borrell, duke iu referuar faktit se pothuajse gjysma e kalorive që konsumojmë vijnë nga tre lloje – oriz, grurë dhe misër. Nëse një ditë klima nuk na lejon më të kultivojmë këto bimë, duhet të përgatitemi me të tjera më rezistente. FCS
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.