Enti Rregullator i Furnizimit me Ujë miraton licencat për disa ujësjellës në vend: Tarifat e reja për furnizimin me ujë në Lushnje
Enti Rregullator i Sektorit të Furnizimit me Ujë ka miratuar përmes disa vendimeve licencimin e disa ujësjellësve në vend. Konkretisht, në mbështetje të nenit 14, pika 1/a, nenit 17 të ligjit nr. 8102, datë 28.3.1996 “Për kuadrin rregullator të sektorit të furnizimit me ujë dhe largimit e përpunimit të ujërave të ndotura”, i ndryshuar si dhe VKM nr. 958, datë 6.5.2009 “Për miratimin e kategorive të licencimit dhe të procedurave për aplikim për licencë”, Komisioni Kombëtar Rregullator, vendosi licencimin e operatorit Sh.a Ujësjellës Kanalizime Delvinë, licencimin e operatorit Sh.a Ujësjellës Kanalizime Tepelenë, si dhe licencimin e operatorit Sh.a Ujësjellës Kanalizime Krujë.
Gjithashtu me një vendim të posaçëm Enti Rregullator i Sektorit të Furnizimit me Ujë ka miratuar edhe tarifat e ujit për konsum publik për shoqërinë U.K Lushnjë Qytet Sh.a.
Konkretisht sa takon licencimit, Enti Rregullator i Sektorit të Furnizimit me Ujë vendosi: “Licencimin e operatorit Sh.a Ujësjellës Kanalizime Delvinë me: Drejtues Ligjor Bati Çuçuri, drejtues Teknik Vani Toti. Operatori Sh.a Ujësjellës Kanalizime Delvinë autorizohet të kryejë veprimtarinë përkatëse të kualifikuar në kategorinë: Kategoria A, për grumbullimin dhe shpërndarjen e ujit për konsum publik; Kategoria C, për largimin e ujërave të ndotura. Zona e shërbimit të këtij operatori është: Bashkia Delvinë. Kjo licencë është e vlefshme për një periudhë 4 (katër) vjeçare.
Për licencimin e operatorit Sh.a Ujësjellës Kanalizime Tepelenë me: Drejtues Ligjor Arben Kacorri, drejtues Teknik Amarildo Tola. Operatori Sh.a Ujësjellës Kanalizime Tepelenë autorizohet të kryejë veprimtarinë përkatëse të kualifikuar në kategorinë: Kategoria A, për grumbullimin dhe shpërndarjen e ujit për konsum publik; Kategoria C, për largimin e ujërave të ndotura. Zona e shërbimit të këtij operatori është: Bashkia Tepelenë, Bashkia Memaliaj. Kjo licencë është e vlefshme për një periudhë 4 (katër) vjeçare.
Për Licencimin e operatorit Sh.a Ujësjellës Kanalizime Krujë me: Drejtuesi Ligjor Ledio Çela, Drejtues Teknik Rexhep Llega. Operatori Sh.a Ujësjellës Kanalizime Krujë autorizohet të kryejë veprimtarinë përkatëse të kualifikuar në kategorinë: Kategoria A, për grumbullimin dhe shpërndarjen e ujit për konsum publik; Kategoria C, për largimin e ujërave të ndotura. Zona e shërbimit të këtij operatori është: Bashkia Krujë. Kjo licencë është e vlefshme për një periudhë 4 (katër) vjeçare”.
Sa i takon tarifave për konsum publik për shoqërinë U.K Lushnjë Qytet Sh.a. sipas vendimi për furnizimin me ujë konsumatori familjar paguan 58 lekë/m3, ndërsa për largimin e ujërave të ndotura 17 lekë/m3, konsumatori publik 130 lekë/m3, ndërsa për largimin e i ujërave të ndotura 21 lekë/m3. Tarifa fikse: konsumator familjar 100 lekë/muaj/klient, Konsumator publik 200 lekë/muaj/klient, konsumator privat 200 lekë/muaj/klient. Shitja e ujit me shumicë 32 lek/m3.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.