Erdogan, me objektiva optimistë – Premton daljen nga recesioni dhe rritje me 5% në 2020
Presidenti Erdogan tha se Turqia do synojë një rritje ekonomike prej 5% në vitin e ardhshëm, pas të dhënave këtë javë që treguan një tkurrje me 1.5% në tremujorin e dytë.
Turqia po përpiqet të dalë nga recesioni që erdhi nga kriza e valutës në vitin 2018. Programi afat-mesëm i Qeverisë, i lajmëruar një vit më parë, projekton një rritje ekonomike prej 2.3% këtë vit dhe 3.5% në vitin 2020.
Erdogan shprehu përsëri mospëlqimin ndaj normave të larta të interesit, duke thënë se kanë nisur rënien. Banka Qendrore uli normën bazë të interesit me 4.25% në 19.75% në Korrik, për të nxitur ekonominë e goditur nga recesioni.
Ulja e interesave ishte hapi i parë larg masave emergjente të adaptuara gjatë krizës së valutës, ku lira ra me mbi 30% kundër dollarit. Guvernatori i Bankës Qendrore u pushua në muajin Korrik, ndërkohë që Erdogan tha se ai ka dështuar të ndjekë udhëzimet politike të Qeverisë. Ai u zëvendësua nga Murat Uysal përpara vendimit për të ulur interesat.
Të dhënat e kësaj jave treguan se inflacioni ra më shumë se sa pritej në Gusht, në 15%, ç’ka hap mundësinë e uljes së interesave në takimin e Shtatorit.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.