Erdogan ndërmerr hapa kundër përmbajtjeve televizive – Ju kërkon mediave “të mbrojnë vlerat turke”

Presidenti i Turqisë ka urdhëruar që të ndërmerren hapa kundër përmbajtjes mediatike si programet televizive që konsiderohen në kundërshtim me “vlerat themelore” të Turqisë.

Presidenti Recep Tayyip Erdoğan tha në një botim në Gazetën Zyrtare se vendimi synon të eliminojë efektet e dëmshme të programeve televizive me përmbajtje të huaj që janë përshtatur në Turqi dhe të “mbrojë kulturën turke”.

Të gjitha masat paraprake do të merren kundër prodhimeve që ndikojnë negativisht në familje, fëmijët dhe të rinjtë, nëpërmjet ligjeve dhe kushtetutës turke, thuhej në fjalim.

Fëmijët dhe të rinjtë do të mbrohen nga “mesazhet e përcjella përmes simboleve të caktuara”, thuhet në vendim pa elaboruar.

Mbikëqyrësi i medias i Turqisë, Këshilli i Lartë i Radios dhe Televizionit ose RTÜK, tashmë ka kompetenca të gjera dhe mund të gjobisë mediat ose të urdhërojë ndërprerje të përkohshme të kanaleve televizive për shkelje të vlerave turke.

RTÜK është akuzuar se e bën këtë kundër mediave që janë më kritike ndaj qeverisë.

İlhan Taşcı, një anëtar i RTÜK-së i emëruar nga opozita, e quajti lëvizjen “qarkullore të censurës” dhe tha se ajo shkel kushtetutën që premton të mbrojë lirinë e shtypit.

Shumica e kompanive mediatike në Turqi janë tashmë në pronësi të bizneseve pranë qeverisë konservatore dhe nacionaliste dhe ndjekin nga afër linjat e qeverisë.

Reporterët pa Kufij e rendit Turqinë në 153 nga 180 vende në Indeksin e saj Botëror të Lirisë së Shtypit të vitit 2021. Të paktën 34 punonjës të medias janë aktualisht pas hekurave, sipas Unionit të Gazetarëve të Turqisë.

Javën e kaluar, gazetari i njohur Sedef Kabaş u arrestua në pritje të gjyqit për fyerje të Erdoganit pasi përmendi një fjalë të urtë në televizionin Tele 1 dhe mediat sociale që i referohej një kau.

Dhjetëra mijëra njerëz në Turqi janë ndjekur penalisht pasi dyshohet se kanë fyer Erdoganin.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.