Është aq i pasur sa mund t’i japë çdo njeriu në planet 15 dollarë dhe ende ti teprojnë 28 miliardë dollarë – 11 Fakte të ‘çmendura’ mbi Bill Gates

Çifti, i cili u martua në 1994, njoftoi divorcin e tyre në Twitter të hënën, 3 maj 2021. Njoftimi ngre pyetje se si çifti do të ndajë pasurinë e tyre të madhe. Bill Gates, bashkëthemeluesi i Microsoft, është personi i katërt më i pasur në botë me një vlerë neto prej rreth 146 miliardë dollarësh, sipas Indeksit të Miliarderëve të Bloomberg. Më poshtë do të mund të lexoni 11 fakte të mahnitshme mbi Bill Gates:

1. Bill Gates është bërë 41 miliard dollarë më i pasur vetëm gjatë vitit të kaluar.
2. Sipas llogaritjeve të Business Insider, bazuar në atë që Gates fitoi vitin e kaluar, ai fiton rreth 4,630 dollarë në sekondë.
3. Sipas llogaritjeve të Business Insider, nëse Gates do të shpenzonte 1 milion dollarë në ditë, do të duheshin më shumë se 400 vjet për të shpenzuar pasurinë e tij.
4. Gates është rreth 66% më i pasur se monarkia britanike.
5. Megjithëse Gates e bëri pasurinë e tij duke bashkë themeluar Microsoft me Paul Allen, ai zotëronte vetëm 1.3% të kompanisë në 2019 dhe ende ka 146 miliardë dollarë pasuri.
6. Gates mbetet personi i katërt më i pasur në botë edhe pasi dhuroi të paktën 41 miliard dollarë për bamirësi gjatë viteve.
7. Gates është aq i pasur sa një amerikan mesatar që harxhon 1 dollarë do të përputhej me Gates që shpenzon rreth 1,2 milion dollarë.
8. Pasuria neto e Gates është më e madhe se PBB e Luksemburgut, Estonisë dhe Bolivisë – së bashku.
9. Gates është më i pasur se personi më i pasur në Azi dhe personi më i pasur në Kinë të mbledhur së bashku.
10. Gates mund t’i jepte çdo personi të vetëm të gjallë në planet 15 dollarë – dhe akoma ka 28 miliardë dollarë të mbetura.
11. Sipas Administratës së Sigurimeve Shoqërore, një mashkull mesatar amerikan me një diplomë kolegji do të fitojë rreth 2.2 milion dollarë gjatë jetës së tij. Gates e bën atë në pak më shumë se 28 minuta.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.