ESM thirrje Greqisë – Të zhvillojë një strategji për rikthimin në tregjet e borxhit

Kreu i fondit të shpëtimit të Eurozonës, Klaus Regling, tha se Greqia duhet të krijojë një strategji për rikthimin në huamarrjen nëpërmjet tregjeve, përpara se programi i shpëtimit të Eurozonës të përfundojë pas 1 viti.

Ai tha se vendi nuk do të ketë shumë nevojë për huamarrje nga tregjet në të ardhmen, pasi financimi nga paketa e shpëtimit nëpërmjet Mekanizmit Europian të Stabilitetit të përfundojë në Gusht të 2018-ës.

Megjithatë, kreu i organizatës shtoi se vende të tjera, përfshirë Irlandën, Portugalinë dhe Qipron, janë drejtuar te tregjet për financim përpara përfundimit të programeve të shpëtimit.

Duke nënvizuar se Greqia ka qenë e papranishme në tregjet financiarë që prej nisjes së krizës së borxhit të Eurozonës, me përjashtim të dy obligacioneve të emetuara në 2014-ën,

Regling tha se është e rëndësishme që vendi të zhvillojë një strategji të rikthimit. Kjo përfshin komunikimin me investitorët dhe sigurimin e tyre se angazhimet drejt reformave kanë ecur në përputhshmëri me kërkesat e kreditorëve.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.