Ethereum ngjitet sipër 4,000 USD / Kriptovaluta e dytë më e madhe nuk ndjek ecurinë e Bitcoin

Ethereum, kriptovaluta e dytë më e madhe në botë ka zgjeruar rritjen duke kaluar 4,000 dollarë në nisje të Javës, çka përbën një nivel të ri rekord.  Kriptovaluta u rrit me mbi 7% në 24 orët e fundit në 4,141.9 dollarë, sipas Coindesk, duke prekur një vlerë totale në treg prej 476.3 miliardë dollarë, më pak se gjysma e totalit të Bitcoin prej 1.1 trilionë.  Ethereum, dikur nën hijen e bitcoin, është rritur me norma të jashtëzakonta, ndërkohë që investitorët po vëzhgojnë monedha alternative ëpr investim.   Bitcoin ra me 2% në muajin Prill, ndërkohë që ethereum ka shtuar mbi 40%.   Investitorë të përgjithshëm dhe blerës korporate si Tesla, i’u drejtuan bitcoin më herët gjatë vitit, duke e parë monedhën si një mbrojtës potencial ndaj inflacionit, ndërkohë që bankat qendrore në botë printojnë para për të zbutur krizën ekonomike të koronavirusit.  Banka të mëdha në Ëall Street si Goldman Sachs dhe Morgan Stanley kanë ekspozuar klientët e tyre tek bitcoin.  E themeluar në vitin 2013 nga Vitalik Buterin dhe një serë programuesish softuerë, rrjeti Ethereum lejon njerëzit të ndërtojnë aplikacione bazuar me të.   Bitcoin ngjason prej faktit që janë të dyja valuta dixhitale, por kanë dhe diferencat e tyre.  Ndërkohë që bitcoin shihet si një ruajtës i vlerës i ngjashëm me arin, Ethereum synon të krijojë një lloj interneti të decentralizuar që nuk ruhet nga autoritete qendrore.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.