Euro bie në 131 lekë, paundi vijon rënien – Dollari tendencë në rritje
Tregu i këmbimit valutor ditën e premte ka regjistruar sërish një rënie të euros në vlerë kundrejt lekut. Monedha e përbashkët europiane me kursin aktual blihet me 131 lekë dhe shitet me 131.30 lekë, duke qëndruar sërish në nivele të ulëta.
Ndërkohë, gjatë ditës së sotme dollari amerikan ka shënuar një rritje të lehtë nga dita e djeshme, me 0.3 lekë. Monedha amerikane blihet me 106.30 lekë, ndërsa shitet me 107 lekë.
Rënie ka shënuar po ashtu edhe paundi britanik gjatë ditës së sotme, i fiksuar në kursin 148 lekë. Ndërkohë, sipas parashikimeve pritet që kjo monedhë të rritet në nivelin e 150 lekëve.
Në rënie nga dita e djeshme është evidentuar edhe dollari australian, i cili gjatë ditës së premte fiksohet në kursin 82.70 lekë. Dollari kanadez gjithashtu ka shënuar rënie, i cili regjistrohet në vlerën e 81.30 lekëve.
Sa i takon frangës zvicerane, sot blihet me 111.80 lekë dhe shitet në vlerën e 112.50 lekëve.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.