Euro tendencë në rritje, Dollari në luhatshmëri – Paundi britanik në vlera të pandryshuara
Në tregun valutor vendas euro ka shënuar një rritje të lehtë gjatë ditës së sotme. Monedha e përbashkët europiane me kursin aktual blihet me 130.5 lekë dhe shitet me 131.7 lekë. Pavarësisht kësaj tendence rritjeje të lehtë me 0.5 pikë, euro vazhdon të jetë ende në nivele të ulëta.
Ndërkohë, një rënie të lehtë ka shënuar dollari amerikan nga dita e djeshme, duke u regjistruar në vlerën 105 lekë.
Monedha britanike nga ana tjetër shfaqet në të njëjtat vlera me ditën e hënë, e fiksuar në kursin e 149 lekëve, shumë pranë nivelit të parashikuar në vlerën e 150 lekëve.
Dollari australian ka shënuar gjithashtu një rënie gjatë ditës së martë me 0.5 pikë dhe sot blihet me 81 lekë e shitet me 82 lekë. Në tendencë rënie është evidentuar edhe dollari kanadez, i fiksuar në kursin 81.5 lekëve, nga 82 që ishte ditën e djeshme.
Ndërkohë, franga zvicerane qëndron në të njëjtat vlera me ditën paraardhëse, e regjistruar në nivelin e 111 lekëve.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.