Europa nuk pranon të mbyllë kufijtë ndërsa rastet e koronavirusit në Itali rriten
Fqinjët europianë të Italisë janë zotuar të mbajnë kufij të hapur, pavarësisht koronavirusit të ri që përhapet në Toskanë dhe Siçili me një numër në rritje të të infektuarve.
Kryeministri Giuseppe Conte ka fajësuar menaxhimin e dobët në një spital në veri të vendit për shpërthimin, pas rritjes së konsiderueshme të njerëzve të infektuar në Europë.
Ministrat e shëndetësisë nga vendet fqinjë të Italisë duke u takuar në Romë së bashku me përfaqësuesin e shëndetit të BE thanë se mbyllja e kufijve do të ishte një masë “joproporcionale dhe joefektive”.
“Ne po flasim për një virus që nuk respekton kufijtë,” tha Ministri i Shëndetësisë të Italisë Roberto Speranza.
Homologu i tij gjerman, Jens Spahn, i cili ishte gjithashtu në mbledhjen e Romës, tha se ata “po e marrin situatën shumë, shumë seriozisht. (Al Jazeera)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.