Europa përballet me kufizime dhe bllokime të reja ndërsa shpërndarja e vaksinave fillon të Dielën
Austria, Skocia dhe Irlanda e Veriut kanë vendosur bllokime të reja të shtunën ndërsa BE po përgatitet të fillojë fushatën e saj të vaksinimit COVID-19 të Dielën.
Pas një faze më të lehtë gjatë Krishtlindjes, një bllokim i tretë i përgjithshëm hyri në fuqi të Shtunën në Austri dhe do të zgjasë deri në 24 Janar, thanë autoritetet.
Ndërkohë, masa më të rrepta hynë në fuqi në Skoci dhe Irlandën e Veriut, duke përfshirë mbylljen e bizneseve “jo thelbësore” dhe kufizimet e ndërveprimeve shoqërore.
Bllokimi i vendosur në pjesë të Anglisë që nga 20 dhjetori u shtri në zona të reja në Anglinë lindore dhe jug-lindore. Uells gjithashtu u zgjua me kufizime më të rrepta të Shtunën pasi i qetësoi për Krishtlindje.
Në Irlandë dhe Itali, bllokimet e reja filluan para Krishtlindjeve në një përpjekje për të parandaluar infeksione të mëtejshme gjatë festave.
Më shumë se 25 milion infeksione janë regjistruar në Europë, sipas vlerësimeve të AFP të Premten. (Euronews)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.