“Europa, përsëri epiqendra e pandemisë” – OBSH paralamëron për rritje të shpejtë të rasteve, në 55% për Europën

Drejtori rajonal për Europën i Organizatës Botërore të Shëndetësisë, Hans Kluge, tha se statistikat e fundit të Covid-19 tregojnë se Europa është përsëri në epiqendër të pandemisë, aty ku ishte një vit më parë.  “Ritmi aktual i transmetimeve tek 53 shtetet e rajont europian të OBSH, është tejet shqetësues, pasi rastet me Covid-19 po i afrohen përsëri nieleve rekord”- shkroi Kluge në tëitter.  Në katër javët e fundit, rajoni europian i OBSH ka patur një rritje gjigante me 55% të rasteve të reja dhe tashmë përbën 59% të të gjithë rasteve në botë dhe 48% të vdekjeve të raportuara.  Javën e kaluar, Organizata raportoi se rajoni i Europës regjistroi 1.8 milionë raste të reja dhe 24,000 vdekje.  Kluge përsëriti se situata alarmuese në Europë, duhet të nxisë veprime nga të gjithë.  Ndërkohë, në nivel botëror, drejtori i përgjithshëm, Tedros Adhanom Ghebreyesus, tha se deri më tani,  organizata ka numëruar mbi 5 milionë vdekje nga pandemia dhe se numri i vërtetë mudn të jetë më i lartë.

“Në 22 muaj që prej rastit të parë të Covid-19 dhe thuajse 1 që prej miratimit të vaksinës së parë, rastet dhe vdekjet po rriten përsëri. Mbi 5 milionë vdekje janë raportuar dhe ne e dijmë që numri i vërtetë është më i lartë. Po vazhdojmë të humbasim mbi 50,000 vëllezër dhe motra çdo ditë. Javën e kaluar, 56 vende në të gjithë rajonet, raportuan rritje të vdekjeve prej mbi 10%”, u shpreh Tedros Adhanom Ghebreyesus, Drejtori i OBSH.

Drejtori i përgjithshëm i Organizatës tha se këtë javë, u shtua një tjetër mjet në luftën me pandeminë, vaksina e 8 që merr miratim nga Organizata, ajo indiane, Covaxin.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.