Europa shfaq rënie të numrit të vdekjeve nga Covid-19/ Cilat janë masat lehtësuese që po ndërmarrin vendet?!
Numri i përditshëm i vdekjeve nga koronavirusi ka qenë në rënie si në Shtetet e Bashkuara të Amerikës ashtu edhe në Itali, edhe pse liderët politikë kanë filluar të lehtësojnë kufizimet për t’i dhënë paksa frymë ekonomisë së vendit, e cila ka qenë në vështirësi, por gjithmonë duke u kujdesur për të shmangur një valë të re infeksionesh.
Edhe pse Shtetet e Bashkuara të Amerikës, ende nuk kanë vendosur një urdhër të ri për lehtësimin e masave kufizuese, një sondazh i Observer, tregoi se dy të tretat ishin kundër heqjes së masave, edhe pse qeveria thotë se kulmi i shpërthimit të virusit ka kaluar.
Nga ana tjetër, kryeministri Boris Johnson është duke përgatitur udhëzime për hapat e ardhshëm të krizës, duke marrë në konsideratë veshjen e mjeteve mbrojtëse nga punonjësit si dhe mënyrën se si duhet të praktikohet transporti.
Ndërkohë, liderët politikë në Spanjë dhe Itali po përballen me një krizë që është përhapur në atë që përfshin jetën ekonomike dhe vdekjen. Ekonomia e eurozonës mund të tkurret deri në 12% këtë vit dhe nuk do të kthehet në gjendjen e saj para-koronavirusit deri në fund të vitit 2022, tha Banka Qendrore Evropiane javën e kaluar. Paraliza ekonomike po shton presionin ndaj liderëve për të gjetur një mënyrë për të lehtësuar kufizimet ndërsa lufta e qeverisë për të mbështetur bizneset që janë të bllokuara për shkak të masave të ndërmarra në kuadër të parandalimit të virusit.
“Ka zhgënjim midis shumë operatorëve ekonomikë,” tha Conte për La Stampa. “Unë i kuptoj ato, por për të rifilluar ciklin ekonomik të mallrave dhe shërbimeve që janë më pak thelbësore, na duhen klientët që të ndjehen të sigurt dhe të mbrojtur.”
Në Spanjë, Kryeministri Pedro Sanchez përballet me një votim parlamentar këtë javë për zgjatjen e gjendjes së jashtëzakonshme që filloi 14 Mars. Sanchez tha se ekonomia spanjolle, e cila drejtohet nga turizmi, ka të ngjarë të kontraktojë më shumë se 9% këtë vit. Katër ishuj, tre në Kanarie dhe një në Balearikët, do të jenë zonat e para që lejohen të hapen restorante, bare, hotele dhe dyqane. Qeveria e Spanjës ka thënë gjithashtu se përdorimi i maskave do të jetë i detyrueshëm në transportin publik që nga e hëna. Këtë fundjavë, qeveria lejoi që njerëzit jashtë shtëpive të tyre të stërviteshin dhe të ecnin për herë të parë pas një periudhe të gjatë izolimi.
Gjermania, e cila raportoi më pak se 100 vdekje të reja të Dielën, do të lejojë që parket e lojërave, kopshti zoologjik, muzetë dhe kishat të rihapen, por do të ruajnë në mënyrë të rreptë distancën sociale. Kancelarja Angela Merkel, tha se një lehtësim më i madh i masave kufizuese të vendit do të vlerësohet në 6 maj.
Në Mbretërinë e Bashkuar qeveria po shqyrton nëse mund të hapen më shumë biznese dhe shkolla, duke respektuar distancimin social prej dy metrash. Qeveria e Johnson është sulmuar nga politikanë të opozitës, për ato që ata i përshkruajnë si një seri gabimesh që nga fillimi i krizës. Sipas tyre, administrata e tij nuk rezervoi mjete të mjaftueshme mjekësore kur filloi shpërthimi i virusit në Kinë, si dhe lejoi që tubimet masive të sporteve të vazhdojnë së bashku me shkollat. Për më tepër, Johnson braktisi strategjinë e testimit dhe gjurmimit, për të cilën Organizata Botërore e Shëndetit thotë se duhet të jetë “shtylla kurrizore” e përgjigjes globale. Në kuadër të kësaj nisme, SHBA, po punon për të zhvilluar një program për të testuar gjurmët dhe gjurmimin e kontakteve që shihen si thelbësore për të mbajtur nën kontroll virusin pasi vendi del nga bllokimi. Sisteme të ngjashme merren me zvogëlimin e përhapjes së pandemisë në vendet përfshirë Korenë e Jugut, Tajvanin dhe Vietnamin.
Shefi kryesor i Mjekësisë në Angli, Chris Whitty ka paralajmëruar se, ndërsa faza e parë e shpërthimit ka mbaruar, mbetet “një rrugë shumë e gjatë për të vrapuar” në luftën kundër virusit. Kjo do të thotë se nevoja për të ndjekur përhapjen e sëmundjes do të jetë thelbësore për heqjen e kufizimeve të lëvizjes në një mënyrë që të shmanget një rikthim apo valë e dytë.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.