Eurozona nuk ngadalësohet ! – Ekonomia rritet me një normë të qëndrueshme prej 0.2%

Ekonomia e zonës euro performoi më mirë se sa pritej në tremujorin e tretë, duke larguar pak shqetësimet nga tkurrja e industrisë, që ka goditur rëndë anëtarin më të madh, Gjermaninë.

Eurostat raportoi se Produkti i Brendshëm Bruto në 19 vendet e valutës së përbashkët u rrit me 0.2%, që është e njëjta normë me tremujorin e dytë dhe duke mposhtur projeksionet për një ngadalësim në 0.1%.

Agjencia e Statistikave publikoi paralelisht një rritje të inflacionit bazë në 1.1%, që është ende relativisht i dobët ndaj objektivit të Bankës Qendrore Europiane. Presidenti i bankës që po largohet, Mario Draghi, ka paralajmëruar prej kohësh për një serë rreziqesh që përballet ekonomia e Eurozonës, përfshirë Brexit dhe luftën tregtare.

Gjermania është goditur më rëndë, kryesisht në sektorin industrial. Vendi me shumë gjasa ka hyrë në recesion në tremujorin e tretë, duke penguar ekonominë e të gjithë rajonit. Spanja ofroi lajme pozitive këtë javë,  kur publikoi një rritje ekonomike prej 0.4% në tremujorin e tretë, të pandryshuar nga i dyti. Franca, që është më pak e ekspozuar ndaj luftës tregtare, tregoi gjithashtu një rritje prej 0.3%.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.