Eurozonë, biznesi në vrull – Indeksi PMI tregon një përshpejtim gjatë shkurtit

Aktiviteti i biznesit në eurozonë u përshpejtua më shumë sesa pritej këtë muaj, tregojnë të dhënat e fundit.

Indeksi PMI i Markit, i parë si një matës i mirë i shëndetit ekonomik, u rrit në 51.6 në shkurt nga 51.3 që ishte në janar, duke mundur të gjitha parashikimet që flisnin për një lexim në  51.0. Niveli i 50 pikëve ndan rritjen nga kontraktimi.

Ekonomia eurozonës arriti të marrë përsëri një vrull në shkurt, përkundër shumë ndërmarrjeve që ishin ndërprerë në mënyra të ndryshme nga Koronavirusi, gjë që shkaktoi probleme të furnizimit,thonë ekspertët.

Kërkesa mbeti relativisht e fortë, duke sugjeruar se nuk do të ketë përkeqësim muajin tjetër. Indeksi i ri i biznesit u mbeti pranë nivelit më të lartë shtatë mujor, prej 51.3.

Sondazhi është në përputhje me rritjen e PBB-së prej 0.2%. Firmat punësuan më shumë njerëz,  megjithëse me një ritëm më të ngadaltë sesa në janar.

Indeksi i punësimit u ul në 52.6 nga 53.0. Shumica e treguesve të ardhshëm në anketë lëvizën në drejtimin e duhur, duke sugjeruar se rimëkëmbja e prodhimit ishte akoma në rrjedhë dhe optimizmi mbeti i ngritur. Indeksi i prodhimit të ardhshëm ranë 57.9 nga niveli i lartë 17-mujor i 59.8 që ishte në muajin janar.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.